Persuni li ghandhom ‘eating disorders’ aktarx ikunu perfezzjonisti u jista’ jkollhom aspettattivi mhux realistici dwarhom infushom u ohrajn. Minkejja s-successi taghhom ihossuhom li ma rnexxewx u jikkoncentraw fuq id-difetti u l-imperfezzjonijiet taghhom. Ukoll aktarx jaraw id-dinja bajda jew sewda bla griz. Jew kollox tajjeb jew kollox hazin, success jew falliment, ohxon jew irqiq.

Persuni b’’eating disorder’ jistghu wkoll ikunu qed jithabtu biex jistabilixxu sens ta’ identita`. Jistghu allura jiddedefinixxu lilhom infushom billi jibnu dehra taghhom infushom biex tigi approvata u ammirata minn dawk ta’ madwarhom. Anki jekk iridu jidhru b’sahhithom, minn gewwa jistghu jhossuhom dghajfa u bla sahha. ‘Eating disorder’ jista’ jkun ukoll espressjoni ta’ emozzjonijiet qawwija bhar-rabja li l-persuna ma tissograx tesprimi direttament u ma tkunx taf tesprimi b’modi tajbin. Allura jistghu jdawru r-rabja kontra taghhom infushom billi ma jieklux jew jieklu z-zejjed jew inehhu l-ikel wara li jieklu..

Ghal dawk bl-anorexia, per ezempju, li jsiru rqaq u jibqghu rqaq hija midalja ta’ success li jilbsu bi kburija. Anki jekk fl-ezamijiet ikunu gabu rizultati eccellenti l-iskola jew ikunu kisbu success fil-karriera taghhom, li jirqaqu jista’ tkun l-uniku success li jqisu ta’ mn jaghti kasu. Mhumiex ferhanin u fil-fatt jista’ jkun li jhossuhom imdejqin hafna, izda jibqghu jhaddnu dan is-success ghax jaghti tifsira specjali lill-ezistenza taghhom.